Sunday, 28 December 2014

ഘര്‍വപ്പാസി (വീട്ടിലേക്കു മടങ്ങുക)


ഇന്ത്യയിലെ ന്യുനപക്ഷവിഭാഗങ്ങളില്‍ പെടുന്ന ആളുകള്‍ക്ക് പൊടുന്നനെ ദൈവവിളി ഉണ്ടായിരിക്കുന്നു. ആ വിളിയനുസരിച്ച് അവരെല്ലാം ഹിന്ദുവാകാന്‍ തീരുമാനിച്ചിരിക്കുകയാണ്.. ലവ് ജിഹാദിന് ശേഷം വീണ്ടും പുതിയൊരു പേരില്‍ മതപരിവര്‍ത്തന ചര്‍ച്ച ചുടുപിടിക്കുന്നു

ഘര്‍വപ്പാസി എന്നപേര് മലയാളികള്‍ക്ക് പരിചിതമായി വരുന്നതെയുള്ളു
ഘര്‍വപ്പാസി എന്ന വാക്കിനര്‍ത്ഥം വീടിലേക്ക്‌ മടങ്ങുക എന്നാണ് വീടെന്നുവെച്ചാല്‍ ഹിന്ദുമതം . അതായത് ഹിന്ദുമതത്തില്‍ നിന്നും മറ്റു മതങ്ങളിലേക്ക് പോയ ആളുകളെ തിരിച്ചു ഹിന്ദുമതത്തില്‍ തന്നെ എത്തിക്കുക, അതിനായി തീവ്ര ഹിന്ദു സഘടനകള്‍ നടത്തികൊണ്ടിരിക്കുന്ന പ്രചരണ കോലാഹലങ്ങളുടെ പേരാണ് ഘര്‍വപ്പാസി. ഈ കലാപരിപാടി പ്രകാരം ആംഗ്ലോ ഇന്ത്യക്കാര്‍ ഒഴികെ മറ്റെല്ലാവരും തന്നെ മതം മാറി ഹിന്ദുക്കള്‍ ആകേണ്ടി വരും എന്നു സാരം . അപ്പോള്‍ സ്വഭാവികമായും ഇന്ത്യ ഹിന്ദു രാഷ്ട്രമാകുമല്ലോ .

മത പരിവര്‍ത്തനം രണ്ടു തരത്തിലുണ്ട് നിര്‍ബന്ധിത മതപരിവര്‍ത്തനവും സ്വമേധയയുള്ള മതപരിവര്‍ത്തനവും. ഇന്ത്യയില്‍ ഇതിന് നീണ്ട ചരിത്രമുണ്ട് 

നുറ്റാണ്ടുകള്‍ക്ക് മുന്നെ നിലനിന്നിരുന്ന ജീവിത രീതിയായിരുന്നു ഹിന്ദുത്വം എന്നാല്‍ കാലക്രമേണ ആ ജീവിത രീതി മതമായി രുപംകൊണ്ടു ക്രിസ്ത്യന്‍ മതവും ഇസ്ലാം മതവും പോലെ ഒരു ഏകികൃതസ്വഭാവം  ഹിന്ദുമതത്തിനില്ല ഏറ്റവും കൂടുതല്‍ അനാചാരങ്ങള്‍ നിലനിന്നിരുന്നതും നിലനില്‍ക്കുന്നതുമായ മതം ഹിന്ദുമതമാണ്‌


ഇന്ത്യയും നേപ്പാളും ബംഗ്ലാദേശും അടങ്ങുന്ന ഇന്ത്യന്‍ ഉപഭൂഖണ്ഡത്തില്‍ വൈദേശിക ആക്രമണങ്ങളാണ് മത പരിവര്‍ത്തനം വ്യാപകമാകാന്‍ കാരണമായത്

വൈദേശിക ആക്രമണങ്ങള്‍

മുഗള്‍രാജവംശം ഇന്ത്യയില്‍ അതിപത്യം ഉറപ്പിച്ചുതുടങ്ങിയതില്‍ പിന്നെയാണ് ഹിന്ദുമതത്തില്‍നിന്നും ഇസ്ലാം മതത്തിലേക്ക് വലിയ തോതിലുള്ള മതപരിവര്‍ത്തനം നടന്നത്. അതില്‍ ഭൂരിഭാഗവും നിര്‍ബന്ധിത മതപരിവര്‍ത്തനം തന്നെയായിരുന്നു. ആ കാലത്ത് അമ്പലങ്ങളും അഗ്രഹരങ്ങളും വ്യാപകമായ ആക്രമിക്കപെട്ടു 
  
അതുപോലെതന്നെ യുറോപ്യന്‍ അധിനിവേശം ക്രിസ്തുമതം ഇന്ത്യയില്‍ വ്യാപിക്കുന്നതിനു കാരണമായി. ക്രിസ്തുമതിലേക്ക് നടന്ന പരിവര്‍ത്തനങ്ങളില്‍ നിര്‍ബന്ധിതവും പ്രലോഭനങ്ങള്‍ക്ക് അടിപെട്ടുള്ളതും ഉള്‍പെട്ടിരുന്നു.

ഹിന്ദുമതത്തിലെ അനാചാരങ്ങളും ജൈന ബുദ്ധ മതങ്ങളും

ഹിന്ദു മതത്തിലെ അനാചാരങ്ങളാണ് ജൈനമതവും ബുദ്ധമതവും ഇന്ത്യന്‍ ഉപഭൂഖണ്ഡത്തില്‍ അവിര്‍ഭവിക്കുന്നതിന് കാരണമായത്. ഹിന്ദു മതത്തില്‍ നിന്നും വലിയൊരുവിഭാഗം ആളുകള്‍ ഈ രണ്ടു മതത്തിലേക്കുമായി ചേക്കേറി. എന്നാല്‍ അവയൊന്നുംതന്നെ നിര്‍ബന്ധിത മതപരിവര്‍ത്തനമായിരുന്നില്ല

മതപരിവര്‍ത്തനത്തിലെ മൂല കാരണം

സധാരണയായി പണം ഉള്ളവര്‍ക്കാര്‍ക്കും സ്വമേധയാ മതം മാറണമെന്ന തോന്നല്‍ ഉണ്ടാകാറില്ല !!!

പിന്തുടര്‍ന്ന് വന്നിരുന്ന മതത്തിന് സമുഹത്തില്‍ ലഭിക്കുന്നത് മോശം സ്ഥാനമാണെന്ന ചിന്തയുംവിശ്വസിച്ചുപോരുന്ന മതത്തിന്‍റെ പേരില്‍ യാതൊരു ആനുകുല്ല്യങ്ങളും ലഭിക്കാത്തതും  മതപരിവര്‍ത്തനങ്ങള്‍ക്ക് കാരണമാകുന്നു. പണവുംപ്രലോഭനങ്ങളുംഭീഷണിയും മതപരിവര്‍ത്തനത്തെ സ്വധീനിക്കുന്ന മറ്റു ചില ഘടകങ്ങള്‍ ആണ്

ഹിന്ദു മതത്തില്‍ നിന്നും ക്രിസ്തുമതത്തിലേക്ക് ജനപ്രവാഹം ഉണ്ടായപ്പോഴുംസ്ഥിതി ഇതുതന്നെ ആയിരുന്നു . ഏതെങ്കിലും ഭ്രാമണന്‍ ക്രിസ്തു മതത്തില്‍ ചേര്‍ന്നതായോ . സാമ്പത്തികമായി ഉയര്‍ന്നു നിന്നവരരെങ്കിലും പരിവര്‍ത്തനപെട്ടതായോ കാണാന്‍ കഴിയില്ല. കോളനികളും പാവപെട്ടവര്‍ കഴിയുന്ന ഗ്രാമങ്ങളുമായിരുന്നു പണ്ടുമുതല്‍ക്കെ മതപരിവര്‍ത്തനങ്ങളുടെ പ്രധാന വിളനിലം 
.

പുനര്‍മതപരിവര്‍ത്തനം

ഹിന്ദുമതത്തില്‍ നിന്നും മറ്റുമതങ്ങളിലേക്ക് പോയവരെയാണ് ഘര്‍വപ്പാസിയിലുടെ ഹിന്ദുമതത്തില്‍ തന്നെ തിരികെയെത്തിക്കുന്നത്. പുതുതായി ഹിന്ദു മതത്തില്‍ ചേരുന്ന ആളുകള്‍ക്ക്  അയ്യപ്പസേവാസഘം പോലുള്ള സഘടനകളാണ് മതത്തിന്‍റെ സര്‍ട്ടിഫിക്കറ്റുകള്‍ വിതരണം ചെയ്യുന്നത്.


പുനര്‍മതപരിവര്‍ത്തനത്തിലെ വിരോധാഭാസങ്ങള്‍ ( രാഷ്ടിയംസമുഹികം)

1.
  കേരളത്തിലെ പ്രബല ജാതിയായ ഈഴവര്‍ ഭൂരിഭാഗവും ബുദ്ധ മതത്തില്‍ നിന്നും പരിവര്‍ത്തനത്തിലൂടെ ഹിന്ദുക്കള്‍ ആയവരാണെന്നതു പോലും വിസ്മരിച്ചാണ്  SNDP ഇപ്പോള്‍ പുനര്‍മതപരിവര്‍ത്തനത്തെ അനുകൂലിക്കുന്നു എന്നത് മറ്റൊരു വിരോധാഭാസം. ഇഴവര്‍ക്കിടയില്‍ പുനര്‍ മതപരിവര്‍ത്തനം നടത്തിയാല്‍ ഇഴവര്‍ തിരികെ പോകേണ്ടത് ബുദ്ധമതത്തിലേക്കാണെന്നതാണ് വാസ്തവം.  

2.
    മറ്റു മതങ്ങളില്‍ നിന്നും  വരുന്നവരെ ഹിന്ദു മതത്തില്‍ ചേര്‍ക്കുന്നു എന്ന കാര്യം മാത്രമാണ് ഇപ്പോള്‍ ചര്‍ച്ച ചെയ്യുന്നത്. എന്നാല്‍ ജാതിവ്യവസ്ഥിയുടെ കൂടാരമായ ഹിന്ദു മതത്തില്‍ ഏതു ജാതിയിലേക്കാണ് പുതുതായി വരുന്നവരെ ഉള്‍പെടുത്തുക എന്ന കാര്യത്തെ പറ്റി ആരും ഒന്നും പറയുന്നില്ല. 

3.
 ചില ക്രൈസ്തവ സഘടനകളും  ഇടതുപക്ഷ പ്രസ്ഥാനങ്ങളും ഘര്‍വപ്പാസി വിഷയത്തില്‍ സ്വികരിച്ചിരിക്കുന്ന നിലപാട് ഇരട്ടതപ്പാണ്  പുനര്‍മതപരിവര്‍ത്തനം നിയമംമൂലം നിരോധിക്കണമെന്നും മതപരിവര്‍ത്തനം നിരോധിക്കരുതെന്നുമാണ് അവരുടെ ആവശ്യം , അങ്ങിനെ ഒരു നിയമം വന്നാല്‍ ഹിന്ദുമതത്തിലെ ആളുകളെ മറ്റു മതങ്ങളിലേക്ക് യഥേഷ്ടം പരിവര്‍ത്തനപെടുത്താനും. ഹിന്ദു മതത്തില്‍ നിന്നു മറ്റു മതങ്ങളിലേക്ക് പോയവര്‍ക്ക് തിരികെ വരന്‍ സാധിക്കാതെ വരികയും ചെയ്യും. 

4.
  ജനങ്ങള്‍ക്ക്‌ മോഹന വാഗ്ദാനങ്ങള്‍ നല്‍കി അധികാരത്തില്‍ വന്ന മോഡി സര്‍ക്കാര്‍ പ്രകടന പത്രികയില്‍ പറഞ്ഞ വാഗ്ദാനങ്ങള്‍ ഒന്നുംതന്നെ നടപ്പാക്കി തുടങ്ങിയിട്ടില്ല. മോഡി സര്‍ക്കാരിന്‍റെ ഭരണ പരാജയം തുറന്നുകാട്ടുന്ന കുറ്റപത്രവുമായി രാഹുല്‍ ഗാന്ധിയുടെ നേതൃത്വത്തില്‍ കോണ്‍ഗ്രസ്‌ വന്ന അതേദിവസം തന്നെ ആഗ്രയിലെ വേല്‍നഗര്‍ കോളനിയില്‍ നടന്ന മത പരിവര്‍ത്തനം ഭരണ പരാജയത്തില്‍ നിന്നും ശ്രദ്ധ തിരിച്ചു വിടാനുള്ള ബി.ജെ.പി. യുടെ നീക്കമായിരുന്നെന്ന് തീര്‍ച്ച .

5.
  വേല്‍നഗര്‍ കോളനിയില്‍ നടന്ന മതപരിവര്‍ത്തനം കോളനി നിവാസികള്‍ പോലും അറിഞ്ഞിരുന്നില്ലെന്നുംബി.പി.എല്‍. റേഷന്‍ കാര്‍ഡ്‌ വിതരണം ചെയ്യാന്‍ സംഘടിപ്പിച്ച ചടങ്ങില്‍ വെച്ച് ബജ്റംഗ്ദള്‍ നേതാക്കള്‍ മതം മാറ്റം പ്രക്യാപിക്കുകയുമായിരുന്നു എന്നുംഎതിര്‍ക്കാന്‍ ശ്രമിച്ചവരോട് കലാപം ഉണ്ടാകേണ്ടെങ്കില്‍ പറയുന്നത് അനുസരിക്കാന്‍ നേതാക്കന്‍മാര്‍ നിര്‍ദേശിച്ചതായുംമുള്ള വാര്‍ത്തകള്‍ പുറത്തു കൊണ്ടുവന്നത് ബി.ജെ.പി. യുടെ വ്യക്താവായി പ്രവര്‍ത്തിച്ചുകൊണ്ടിരിക്കുന്ന ഹിന്ദു പോലുള്ള മാധ്യമങ്ങളാണ്


6.
  മതംമാറ്റമൊക്കെ വ്യക്തികള്‍ സ്വന്തമായി തീരുമാനിക്കേണ്ട കാര്യമല്ലേ.?. അല്ലാതെ ഏതെങ്കിലും ഒരു സംഘടന ടാര്‍ജറ്റ് വെച്ച് ക്യാമ്പയിന്‍ ചെയ്ത് നടത്തേണ്ടതാണോ.


7.
  ഇപ്പോള്‍ ഘര്‍വപ്പാസിപരിപാടിയിലുടെ മതം മാറുന്ന എല്ലാവര്‍ക്കും സ്വയം തോന്നി മാറുന്നതാണെങ്കില്‍ എന്തിനാണ് മോഹനവാഗ്ദാനങ്ങള്‍ നല്‍കുന്നത്. അലിഗര്‍ലും ആഗ്രയിലും മറ്റും നടന്ന മത പരിവര്‍ത്തനങ്ങള്‍ക്ക് പിന്നില്‍ സൗജന്യ റേഷനും ബി.പി.എല്‍. റേഷന്‍ കാര്‍ഡും ജോലിയും സര്‍ക്കാര്‍ ചിലവില്‍ വീടും മുതല്‍ പണം വരെ ഉണ്ടായിരുന്നു എന്നാണ് പുറത്തുവരുന്നത്.




എങ്ങിനെ ഒരാള്‍ക്ക് ഹിന്ദു ആകാം


ഒരാള്‍ക്ക് ഹിന്ദു ആകണമെങ്കില്‍ (രാഷ്ട്രിയ ലക്ഷ്യത്തോടെയല്ലെങ്ങില്‍..!! )

ഒന്നുകില്‍ ഹിന്ദു മതത്തില്‍ ജനിച്ച് വളരുന്ന ആളാവണം
അല്ലെങ്കില്‍ ഷോടാസ അനുഷ്ട്ടാനങ്ങള്‍ എന്നറിയപ്പെടുന്ന 12 ആചാരങ്ങള്‍ പിന്തുടരുന്നവരായിരിക്കണം. അല്ലാതെ ഒരു സുപ്രഭാതത്തില്‍ VHP നടത്തുന്ന ചടങ്ങില്‍വെച്ച് പനിനീര്‍ തളിച്ചാല്‍ ആരും ആചാര പ്രകാരം ഹിന്ദു ആകില്ല


നിയമവശം

  അംബേദ്‌കര്‍ ഭരണഘടന തയ്യാറാകുന്ന കാലത്ത് പുനര്‍മതപരിവര്‍ത്തനം എന്നൊരു വാക്ക് പ്രചാരത്തില്‍ ഇല്ലാതിരുന്നതിനാല്‍ ഭരണഘടനയില്‍ അത് തെറ്റാണെന്നോ ശേരിയാണെന്നോ പറയുന്നില്ല.

1.
  എന്നാല്‍ ഇന്ത്യന്‍ ഭരണഘടന ആര്‍ട്ടിക്കിള്‍ 25 പ്രകാരം ഏതൊരു ഇന്ത്യന്‍ പൌരനും ഏതു മതത്തില്‍ വേണമെങ്കിലും വിശ്വസിക്കാനും വിശ്വസിക്കാതിരിക്കാനുമുളള എല്ലാ അവകാശങ്ങളും പ്രധാനം ചെയ്യുന്നുണ്ട്. ആര്‍ക്കു വേണമെങ്കിലും ഇവിടെ യാതൊരു നിയമതടസങ്ങളും ഇല്ലാതെ മതപ്രചരണം നടത്തുകയും ആവാം

2.
  ആര്‍ട്ടിക്കിള്‍ 153 A ല്‍ ഒരു പൌരനെ യതോരു കാരണവശാലും നിര്‍ബന്ധിതമായി മതപരിവര്‍ത്തനത്തിന് വിധേയനാക്കരുതെന്നും പ്രതിപാദിക്കുന്നുണ്ട്.



ഹിന്ദുമതത്തിലെ അനാചാരങ്ങള്‍ക്കെതിരെ നടന്ന ഗുരുവായൂര്‍ സത്യാഗ്രഹത്തിനും വൈക്കം സത്യഗ്രഹത്തിനും മുന്നില്‍ നിന്നു പോരാടിയ പാരമ്പര്യമുള്ള എ.കെ.ജി യുടെയും ഇ.എം.എസിന്‍റെയും കമ്മ്യൂണിസ്റ്റ് പാര്‍ട്ടി ഉള്ളിടത്തോളം കാലം കേരളത്തില്‍ മതപരിവര്‍ത്തനങ്ങള്‍ക്കും പുനര്‍മതപരിവര്‍ത്തനങ്ങള്‍ക്കും ലക്ഷ്മണരേഖ ഉണ്ടാകുമെങ്കിലും മറ്റു സംസ്ഥാനങ്ങളിലെ സ്ഥിതി അതല്ല.
താജ്മഹല്‍ ഇസ്ലാമികരുടെ സ്വത്തല്ല.!! ഹിന്ദു അല്ലാത്തവര്‍ക്ക് താജ്മഹലിന്‍റെ യാതൊരു അവകാശങ്ങളും നല്‍കരുതെന്നും , അത് ഹിന്ദു വിശ്വാസപ്രകാരം താജ്മഹല്‍അല്ല തേജോമഹാലയ ആണെന്നും മൈക്ക് കെട്ടി പ്രസംഗിക്കുന്ന ബി.ജെ.പി എം.പി യോഗി അതിത്യ നാഥിനെ പോലെയുള്ള മഹാത്മാക്കളുടെ രാജ്യത്ത് ഇതും സഹിക്കേണ്ടി വരും ഇതില്‍ അപ്പുറവും സഹിക്കേണ്ടി വരും


ഞാനിസം NB ; -

  1920-ന് മുന്‍പ് ഭാരതത്തില്‍ രാഷ്ട്രിയപാര്‍ട്ടി എന്ന നിലയില്‍ പ്രവര്‍ത്തിച്ചിരുന്ന ഏക പ്രസ്ഥാനം ഇന്ത്യന്‍ നാഷണല്‍ കോണ്‍ഗ്രസായിരുന്നു. ഘര്‍വപ്പാസി (വീട്ടിലേക്കു മടങ്ങുക) പദ്ധതിപ്രകാരം നരേന്ദ്രമോഡി കോണ്‍ഗ്രസിലേക്ക് തിരികെ പോകുമോ ആവോ.....!!!!.

Saturday, 11 October 2014

ബാറും കുടിയന്മാരും പിന്നെ ഞങ്ങളും



https://www.youtube.com/watch?v=nJlQUPKWJPg&list=UUtt6DokOREMSMbQG9ikPbBw

vedio courtesy = ajay k jose
editing courtesy = melbin suresh
reporters = akhil manoj - sportsbeats.blogspot.in
special courtesy- jejin mathew
                            tom jose
                            abdu nasar


Sunday, 14 September 2014

സുധീരനും വെള്ളാപ്പള്ളിയും ഉമ്മന്‍‌ചാണ്ടിയും പിന്നെ മദ്യത്തിലെ നയവും.





   
   കെ.ബാബു സെന്‍റര്‍ കിക്ക് ചെയ്തു കളി തുടങ്ങി തുടക്കത്തില്‍ തന്നെ വീണുപോയ ബാബുവിന് കൂട്ടായി മുഖ്യമന്ത്രിയെത്തി എന്നാല്‍ സുധീരന്‍ പാഞ്ഞെത്തി പന്ത് കൈവശപെടുത്തിയൊരു ലോങ്ങ്‌ ഷോട്ട് . അത് തടുക്കാന്‍ മുന്‍ നിരയില്‍ ഏതിര്‍ ടീമിലെ ആരും ഉണ്ടായിരുന്നില്ല . എം.എം ഹസന്‍ അത് ചെറുതായൊന്നു തടഞ്ഞു നോക്കിയെങ്ങിലും ദേഹത്ത് ചെളി പറ്റി എന്നല്ലാതെ മറ്റൊന്നും സംഭവിച്ചില്ല .രാജ്മോഹന്‍ ഉണ്ണിത്താനും കെ.പി അനില്‍കുമാറും ടി.എന്‍ പ്രതപനുംമെല്ലാം ചേര്‍ന്ന് സുധീരനെ കൊണ്ട് ഗോള്‍ അടിപ്പിക്കുമെന്ന അവസ്ഥയായി . ഗാലറിയില്‍ ഇരുന്ന് ലീഗും ,കേ.കോ. യും (കേരള കോണ്ഗ്രസ് ) പള്ളിലച്ചന്മാരുമെല്ലാം സുധീരനെ വളരെ മനോഹരമായ രീതിയില്‍ പ്രോത്സാഹിപ്പിച്ചു .
    എന്നാല്‍ സുധീരനു കയ്യടിക്കാന്‍ ചെന്നിത്തലക്കു തോന്നിയില്ല. ചെന്നിത്തല മറ്റെല്ലാം മറന്ന് ഉമ്മന്‍ചാണ്ടിയുടെ ടീമിന് ഒപ്പം ചേര്‍ന്നു. എന്നിട്ടും കളിയില്‍ സുധീരന്‍റെ ടീം സുധീരം മുന്നേറിക്കൊണ്ടിരുന്നു 2014-ബ്രസീല്‍ ലോകകപ്പില്‍ ജെര്‍മനിയോട് 7 ഗോളിന് തോറ്റ അവസ്ഥയിലേക്ക് ഉമ്മന്‍ചാണ്ടിയുടെ ടീം എത്തുമെന്ന സാഹചര്യത്തില്‍ അത് സംഭവിച്ചു .
  പണ്ട് മറഡോണ കൈകൊണ്ട് ഗോളടിച്ച് ലോകകപ്പ്‌ നേടി ദൈവ തുല്ല്യനയതുപോലെ സാക്ഷല്‍ ഉമ്മന്‍ചാണ്ടി അതിവേഗം ബഹുദുരം ഒരു ക്ലാസ്സിക്‌ ഗോളടിച്ച് മറഡോണയെ പോലെ ദൈവതുല്യനായി .
എതിര്‍ ടീമിലെ സുധീരനു പോലും കയ്യടിക്കേണ്ടി വന്നു  ഈ കളിയില്‍ കാര്യമായി പങ്കെടുക്കാതിരുന്ന C.P.M നും , ആദ്യം ഉമ്മന്‍ചാണ്ടിയുടെ ടീമിനും പിന്നീട് കാലുമാറി സുധീരന്‍റെ ടീമിനും കയ്യടിച്ചിരുന്ന കേ.കോ ക്കും ,ലീഗിനും ഉമ്മന്‍ചാണ്ടിയുടെ ക്ലാസ്സിക്‌ ഗോളില്‍ കയ്യടിക്കാതിരിക്കാന്‍ കഴിയുമായിരുന്നില്ല . ഇതാണ് ബാര്‍ വിഷയത്തില്‍ ഇവിടെ സംഭവിച്ചത്.

 സുധീരനെക്കാള്‍ കേമനാകാന്‍ ഉമ്മന്‍‌ചാണ്ടി ചെറുതായൊന്നു ശ്രമിച്ചപ്പോള്‍ ബഹുകേമനാകാന്‍ കഴിയുമെന്ന് കരുതിയിട്ടുണ്ടാകില്ല. എന്നാല്‍ ഇപ്പോളത്തെ മദ്യനയത്തെ നിസാരവല്ക്കരിച്ച് കാണാനാവില്ല. കഴിഞ്ഞ 31 വര്‍ഷത്തെ ബിവറേജുകളുടെ പ്രവര്‍ത്തനം കൊണ്ട് സംസ്ഥാന ഘജനാവിനു കിട്ടിയ ലാഭം  53660 കോടിയാണ്. 2013-14 വര്‍ഷത്തില്‍ മാത്രം കിട്ടിയതാകട്ടെ 9353 കോടിരൂപയും.ഈ വരുമാനവും തൊഴിലാളികളുടെ പുനരധിവാസമെന്ന വലിയ വെല്ലുവിളിയും വകവെക്കാതെ എടുത്ത ഈ തീരുമാനം സാഹസം തന്നെയാണ്. 8000 കോടി രൂപയിലും വലുത് കേരള സാമുഹമാണെന്ന വാദം ഉയരുമ്പോള്‍ ആ സഹാസമായ തീരുമാനത്തില്‍ മുഖ്യനെ അഭിനന്തനത്തിന്‍റെ പൂച്ചെണ്ടുകള്‍ കൊണ്ട് മൂടുകയാണ് കേരളത്തിലെ വീട്ടമ്മമാരും കുഞ്ഞുങ്ങളും.

    മദ്യവും സുധീരനും പിന്നെ വെള്ളാപ്പള്ളിയും

            കേരളത്തിലെ മദ്യപാനികളോടോ മദ്യത്തോടോ അത്ര വലിയ എതിര്‍പ്പുള്ള ആളൊന്നുമല്ല ഈ സുധീരന്‍. എന്നാല്‍ അബ്കരികളോട് ചില്ലറ ശത്രുതയല്ലതാനും. അവരില്‍ ഒന്നമാനവട്ടെ S.N.D.P യോഗം ജെനറല്‍ സെക്രട്ടറി വെള്ളാപ്പള്ളി നടേശനും.
     
 ഈ ശത്രുതക്ക് പിന്നില്‍ ഒരു കഥയുണ്ട് ഇത്തിരി പഴയതാണ് എങ്കിലും അതിന്‍റെ പേരിലുള്ള മുറുമുറുപ്പുകള്‍ ഇന്നും കേരള രാഷ്ട്രിയത്തില്‍ നടക്കാറുണ്ട്.
  
 1966-ല്‍ ആലപ്പുഴയിലാണ് ഈ കഥ നടക്കുന്നത് ആലപ്പുഴയില്‍ സ്പിരിറ്റ്‌ മാഫിയ അഴിഞ്ഞാടുന്ന കാലം.ഇപ്പോളത്തെ ആലപ്പുഴ D.C.C പ്രസിഡന്റ് എ.എ ഷുക്കുറിന്‍റെയും  ജോണ്‍സണ്‍ എബ്രഹാമിന്‍റെയും നേതൃത്വത്തില്‍ യൂത്ത് കോണ്‍ഗ്രസ്‌ ഈ മാഫിയക്കെതിരെ പടപ്പുറപ്പടുമയിറങ്ങി. യൂത്തന്‍മാരുടെ പോരാട്ടത്തിന് പിന്‍തുണയുമായി സുധീരനെത്തി. അതികം താമസിയാതെ സമരപരിപാടികളുടെ നേതൃത്വം സുധീരന്‍ ഏറ്റെടുത്തു. വെള്ളാപ്പള്ളിയുടെ കീഴില്‍ അണിനിരന്ന അബ്കാരികളുമായുള്ള പോരാട്ടത്തില്‍ അന്തിമ വിജയം യൂത്തന്‍മാര്‍ക്കും സുധീരനും തന്നെ ആയിരുന്നു.
  
    അന്ന് തുടങ്ങിയതാണ് വെള്ളാപള്ളിയുടെ സുധീര വിരോധം. അത് പരസ്യമായത് 96-ല്‍ സുധീരന്‍ ലോക്സഭയിലേക്കു മത്സരിച്ചപ്പോളാണ്. C.P.M സ്ഥാനാര്‍ഥിയായിരുന്ന C.S സുജാതക്കുവേണ്ടി കേരളത്തിലെ നല്ലൊരു ശതമാനം അബ്കരികളെയും ആലപുഴയിലെത്തിച്ച് സുധീരനെതിരെ പോരാട്ടം നയിച്ചത് വെള്ളാപ്പള്ളി ആണെന്നത് അങ്ങാടി പാട്ടായ അരമന രേഹസ്യം. ഇങ്ങനെയൊക്കെ നടന്നിട്ടും പാട്ടും പാടി സുധീരന്‍ ജയ്ച്ചു.
അന്നുമുതല്‍ അബ്കരികള്‍ക്കും വെള്ളാപ്പള്ളിക്കും സുധീരന്‍ ശത്രുവാണ്.

കേ.കോ, ലീഗ് , സഭ

            പള്ളിയില്‍ സുക്ഷിച്ചുവെച്ച് വിതരണം ചെയ്യുന്ന വീഞ്ഞും മദ്യമല്ലെ? എന്നുള്ള ചോദ്യം മതപരമായ ആചാരമെന്നോ അവകാശമെന്നോ പറഞ്ഞു അവര്‍ക്ക് ന്യയികരിക്കാം. എന്നാല്‍ മദ്യനിരോധനത്തിനു മുറവിളി കൂട്ടുന്ന അച്ചന്മാര്‍ വത്തിക്കാനിലെ മദ്യകച്ചവടത്തെ പറ്റിയും ഗോവയിലെയൊക്കെ പള്ളിക്കകത്തും പുറത്തുമായി നടക്കുന്ന മദ്യസല്‍ക്കാരത്തെ പറ്റിയുമൊക്കെ അറിയുന്നുണ്ടോ ആവോ. ഇവിടെ കിടന്ന് മദ്യനിരോധനത്തിനായി തലകുത്തി മറിയുന്ന നേരംകൊണ്ട് മാര്‍പ്പാപ്പക്ക് ഒരു കത്തെഴുതിക്കുടെ? മദ്യം നല്ലതല്ല മാര്‍പാപ്പേ... അതുകൊണ്ട് ആ സാധനം നമുക്ക് വേണ്ട.. വത്തിക്കാനിലും നിരോധിക്കണം, എന്നു പറഞ്ഞുകുടെ. ആഘോഷങ്ങള്‍ക്ക് ഇന്നത്തെ കാലത്ത് മദ്യം ഒഴുകുന്നത്‌ സ്വഭാവികം. അങ്ങനെ ഉള്ള ചടങ്ങുകളില്‍ നിന്നു വിട്ടു നില്ക്കാന്‍ ഈ അച്ചന്മാര്‍ക്ക് തയ്യാറയിക്കുടെ. അതിനൊന്നും മുതിരാതെ കേരളത്തിലെ മദ്യനിരോധനത്തിന് വേണ്ടി വാദിക്കുന്നതില്‍ എന്ത് യുക്തിയാണുള്ളത് ..  എങ്കിലും കുഞ്ഞാടുകളെ നേര്‍വഴിക്കു നടത്താന്‍ വേണ്ടി ചെയ്യുന്ന കാര്യങ്ങള്‍ പ്രശംസനീയംതന്നെ
  
        കേരള കോണ്ഗ്രസും, ലീഗും ബാര്‍ വിഷയത്തില്‍ തരത്തിനോത് കളിച്ചു. പൂട്ടിയ ബാറുകള്‍ നിലപടിനോപ്പമായിരുന്നു ആദ്യം കേരളാ കോണ്ഗ്രസ്.  കാരണമെന്തെന്നാല്‍ പൂട്ടിയതില്‍ന ല്ലൊരു ശതമാനം ബാറുകളുടെയും  ഉടമകള്‍ കേരള കോണ്ഗ്രസിനു വളരെ വേണ്ടപ്പെട്ടവരാണെന്നതാണ്. എന്നാല്‍ സഭയുടെ കുഞ്ഞാടായ മാണിക്ക് സഭയുടെ നിലപാടിനൊപ്പം നിന്നില്ലെങ്കില്‍ പാലയില്‍ നിന്ന് നിയമസഭയിലോട്ടു വണ്ടി കയറാന്‍ കഴിയില്ലെന്നുള്ള ഒറ്റ കാരണത്താല്‍ മാത്രം മാണികുഞ്ഞാടും കൂട്ടരും ബാര്‍ വിഷയത്തില്‍ സുധീരനോപ്പം നിന്നു.
   
 ലീഗിന്‍റെ നിലപാട് ആദ്യം മുതല്‍ മദ്യനിരോധനത്തിനൊപ്പമാണെങ്കിലും  ബാര്‍ വിഷയത്തില്‍ അവര്‍ക്കും ഉറച്ച നിലപാടെടുക്കാന്‍ കഴിഞ്ഞില്ല. ആദ്യം പ്രായോഗിക നിലപാടിനൊപ്പവും പിന്നീട് ബാര്‍ പൂട്ടാനുള്ള നിലപടിനോപ്പവും നിന്നു.

    നയത്തിന്‍റെ പ്രായോഗികത
   
   മദ്യ നിരോധനമല്ല മദ്യ വര്‍ജനമാനുന്‍ വേണ്ടതെന്നു വാതിക്കുന്ന ഒരു വിഭാഗം നേതാക്കള്‍ കേരളത്തിലുണ്ട്.  v.s അച്ചുതാനന്ദനും വെള്ളാപ്പള്ളിയും പിണറായിയും ഷിബു ബേബി ജോണുമൊക്കെ അക്കുട്ടത്തില്‍ പെടും.
പട്ടിയുടെ മുന്നില്‍ എല്ലിന്‍ കഷ്ണം കൊണ്ട് വെച്ചിട്ട് പട്ടിയോട്‌ സസ്യഭുക്ക് ആയിക്കോണം എന്ന് പറയുന്നതിലെ പ്രായോഗികതയെ മദ്യവര്‍ജന നയത്തിനും ഒള്ളു എന്ന് അത് പറയുന്നവര്‍ക്കും നന്നായി അറിയാം.
  
     സംസ്ഥാന സര്‍ക്കരിന്റെര്‍ ഒരു പ്രധാന വരുമാന മാര്‍ഗം അടയുമെന്നത് വസ്തുതതന്നെയാണ് അത് മറികടക്കുക എന്നതിലാണ്പ്രായോഗിക സമീപനം വേണ്ടത്. വ്യാജമദ്യം ഒഴുകും മദ്യദുരന്തം ഉണ്ടാകും എന്നൊക്കെയുള്ള ഭീഷണികളെ നേരിടേണ്ടി വരുമെന്നതും സര്‍ക്കാരിനെ കാത്തിരിക്കുന്ന വെല്ലുവിളിയാണ്.
എന്നാല്‍ പഴയപോലെ ചാരായംവാറ്റ് തുടങ്ങും , കേരളം വ്യാജ മദ്യത്തില്‍ മുങ്ങും, എന്നൊക്കെയുള്ള വാദഗതികള്‍ ഒന്നും നമ്മുടെ കേരളത്തില്‍ പ്രായോഗികമല്ലെന്നതിന് ചരിത്രം സാക്ഷിയാണ്. A.K ആന്റണി ചാരായ നിരോധനം നടപ്പാക്കിയതിനു ശേഷം ഇവിടെ വറ്റി ജീവിക്കുന്നവര്‍ എത്രയുണ്ട് ?, വീടുകള്‍ക്ക് മുന്‍പില്‍ പൂച്ചെടി നാട്ടുവളര്‍ത്തുന്നതുപോലെ കഞ്ചാവ് ചെടി നട്ടുവളര്‍ത്തിയിരുന്ന കാലം ഉണ്ടായിരുന്നു. എന്നാല്‍ നിരോധനത്തിന് ശേഷം അതിന് തന്‍റെടം ഉള്ളവര്‍ എത്രപേരുണ്ട്?.
   
എന്തായാലും ഇപ്പോളെടുത്ത ഈ ധീരമായ തീരുമാനം നടപ്പാക്കാന്‍ ഉമ്മന്‍‌ചാണ്ടി ആര്‍ജവം കാണിച്ചാല്‍ അത് പുതുചരിത്രമായി മാറുകതന്നെ ചെയ്യും.



ഞാനിസം NB ;  മദ്യവിമുക്തമായ കിനാശ്ശേരി....... അതാണെന്‍റെ സ്വപ്നം.. :-P }



Tuesday, 12 August 2014

വാര്‍ത്ത‍ മാധ്യമങ്ങളില്‍ നിരവധി ചര്‍ച്ചകള്‍ക്കു വഴി തെളിച്ച കെ.കെ രമയുമയുള്ള അഭിമുഖം .

  • ടി.പി. ചന്ദ്രശേഖരന്‍റെ കൊലപാതകവുമായി ബന്ധപെട്ട് പിണറായി വിജയന്‍റെ പേര് ആദ്യമായി  കെ.കെ രമ  പറഞ്ഞത് ഈ അഭിമുഖത്തിലുടെയാണ് 
  • ലാവ്‌ലിന്‍ കേസ്സില്‍ ജഡ്ജിമാര്‍  പിന്മാറുന്ന വിഷയത്തില്‍   കോടതിക്കെതിരെ രൂക്ഷമായ വിമര്‍ശനങ്ങള്‍  കെ കെ രാമ ഉന്നയിച്ചതും ഈ അഭിമുഖത്തിനിടയിലാണ് .




Tsamalthenamparambil
http://tsamal.blogspot.in/ 
this is the first interview in my journalism life
courtesy - news medias in kerala,
editing courtesy -melbin suresh
vfx courtesy -bidhul varghese 
video courtesy -kannur tv 
photo courtesy- kick photography






Sunday, 6 July 2014

ഞാനിസം tittle video



editing courtesy - Melbin suresh
illustration - Ajay k jose
vfx -Bidhul varghese
photo courtesy- Noufal photofraphy

Thursday, 3 July 2014

'ദൈവമേ......‘’ ഈ ദിവസം അവസാനിക്കാതിരുന്നെങ്കിൽ....'

ദൈവമേ...........

‘’ ഈ ദിവസം അവസാനിക്കാതിരുന്നെങ്കിൽ....
ഈ കളി അനന്തമായി നീണ്ടുപോയെങ്കിൽ......
ഞങ്ങൾക്ക് സച്ചിനെ കളിക്കളത്തിൽ കണ്ടുകൊണ്ടേയിരിക്കാമായിരുന്നു.’’

Sunday, 25 May 2014

''കഥയിലെ രാജകുമാരന്‍ കിരീSമണിയുമ്പോള്‍ ''






നരേന്ദ്രമോഡി ,
ഗുജറാത്തിലെ മെഹ്സാന ജില്ലയില്‍പ്പെടുന്ന 2500 വര്‍ഷത്തിലേറെ ചരിത്ര-സാംസ്കാരിക പാരമ്പര്യമുള്ള വടനഗറില്‍ 1950 സെപ്തംബര്‍ 17 ന്‌ ദാമോദര്‍ ദാസ്‌ മൂല്‍ചന്ദ്‌ മോദിയുടേയും ഹീരാ ബെന്നിന്റെയും ആറ്‌ മക്കളില്‍ മൂന്നാമനായാണ്‌ നരേന്ദ്രമോദിയുടെ ജനനം.

Saturday, 8 March 2014

കസ്തുരിരംഗനിലെ വാസ്തവങ്ങള്‍



പാവപ്പെട്ട കർഷകർക്ക് 20,000 സ്ക്വയര്‍ ഫീറ്റിന് മുകളിലുള്ള നിര്‍മാണ പ്രവര്‍ത്തനം അനുവദിക്കാത്തപാവപ്പെട്ട കർഷകർക്ക് 40 അടിയിൽ താഴെയുള്ള പാറമട ഖനനം അനുവദിക്കാത്തപാവപ്പെട്ട കർഷകർക്ക് 50 ഹെക്ടറിന് മുകളിൽ ടൌണ്ഷിപ്പ് പണിയാൻ അനുവദിക്കാത്തപാവപ്പെട്ട കർഷകർക്ക് ചുവപ്പ് ഗണത്തിൽ പെടുന്ന വ്യവസായം നടത്താൻ അനുവദിക്കാത്ത കസ്തൂരിരംഗൻ റിപ്പോർട്ടിനെതിരെ ജനരോഷം 'ഉയരട്ടെ'...!!!